![]()
У анлайн-фармаце стаў даступны комікс «Погляд у мінулае», створаны ў падтрымку дабрачыннага праекта Беларускага дзіцячага фонду і кампаніі А1 «Я бачу!».
Зараз пра прыгоды школьніцы Алесі можна прачытаць не толькі ў друкаванай версіі, але і на сайце комікса. Для таго, каб кожны мог бліжэй пазнаёміцца з гераіняй і яе сябрамі, выпушчана спецыяльная серыя сцікераў для месенджэраў Viber і Telegram.
Колькасць папяровых асобнікаў комікса абмежавана, таму арганізатары праекта «Я бачу!» паклапаціліся аб тым, каб усе ахвотныя маглі прачытаць яго ў электроннай версіі. Пакуль выйшла толькі першая частка серыі «Погляду ў мінулае». Другая з’явіцца ў снежні, але ў экслюзіўным сцікерпаку ўжо можна ўбачыць яе герояў.
Гісторыя пачынаецца напрыканцы летніх вакацый на гарышчы невялікага дачнага доміка, дзе Алеся знаходзіць стары дзённік свайго дзядулі-вучоанага і яго акуляры, пасля чаго жыццё дзяўчынкі становіцца падобным да прыгодніцкага дэтэктыву з сакрэтнымі шфрамі і тайнікамі. Яна расказвае пра сваю знаходку сябрам Ільі і Багдану, і яны таксама падключаюцца да раследавання Алесі.