![]()
22 лютага адкрыецца выстава «Праўда пра Курапаты». Гэта ўжо другая такая выстава, папярэдняя прайшла ў канцы 2015 года і доўжылася ўсяго тры дні, пiша nn. by. Выстава — дакументальна-мастацкая: будуць і мастацкія творы, і здымкі, сведчанні, дакументы, — усё тое, што адкрылі за апошнія паўтара года, кажа ініцыятар і арганізатар Марат Гаравы:- Экспазіцыя будзе адрознівацца ад мінулай: мы дапоўнілі яе новымі адкрыццямі. Напрыклад, будзе стэнд «Зона», прысвечаны гістарычнай тапаграфіі Курапатаў. Мы ўжо дакладна ведаем, як выглядала гэта месца ў 1930—40-я.